«Буряадай патриодууд»гэһэн программын хэмжээндэ һуралсалай курснуудай эхилэлгэ июль һарада түсэблэгдэнхэй гэжэ уласай засагай газар мэдээсэнэ. Хабаадагшадые шэлэн абалгын шата эхилбэ, энэ үедэ 476 эльгээгдэһэн мэдүүлгэнүүд сооһоо һуралсалай курс тушааха 30 хүн шэлэн абтаха.
Буряад Уласай толгойлогшын захиргаанай хүтэлбэрилэгшын уялга дүүргэгшэ Михаил Харитоновой хэлэһээр, анханһаа Буряад орон энэ программада үндэр һонирхол хүлеэжэ, тэрэнэй дүнгөөр 500 шахуу мэдүүлгэ ороһон байна. Тэдэнэй дунда 40 гаран мэдүүлгэ бариһан хүнүүд «Эрэлхэг зоригой» орденой кавалернууд болоно.
Бүхы мэдүүлгэ үгэһэн хүнүүдэй дундаһаа эгээл эдэбхитэй, бэлэдхэлтэй кандидатнууд шэлэгдэхэ. Харитоновой хэлэһээр, һуралсалай программада кандидатнууд Ородой Холбоото Уласай Юрэнхылэгшын Арадай ажахын болон гүрэнэй хүтэлбэриин академиин мэргэжэлтэдэй дэмжэлгээр шэлэгдэхэ. Буряад Уласта Юрэнхылэгшын академиин түлөөлэлгын газар нээгдэбэ; апрелиин 3-да энэ асуудал хэлсэгдэһэн байна.
- Буряад Уласай болон бүхы гүрэнэй урда шухала асуудал табигданхай: нютагаа бусаһан ветерануудта болон тусхай сэрэгэй операцида хабаадагшадта амгалан тайбан ажабайдалда зохистой һуури олгохо. Тэдэнэр манай гүрэнэй найдаха ёһотой алтанай нөөсэ түлөөлнэ гэжэ Харитонов тэмдэглэбэ.
